பொதுத்துறை வெற்றி

பொதுத்துறை வெற்றி - விருப்பக்கவிதைப்போட்டி

வெள்ளை யுடுத்திய நரிகள் - எங்கள்
           நாட்டில் திரிவதைப் பாரீர்
கட்சிக் கொடியே மாற்றம் - அவை
           ஆட்சி ஒரேக்குட்டை ஆகும்
வெள்ளை யனையன்று துரத்தி - இந்த
           கொள்ளைக் கூட்டங்களைப் புகுத்தி
எல்லாத் துறையிலும் ஊழல் - இங்கு
           ஏதும் விதிவிலக் கில்லை

காக்கிச் சட்டையை உடுத்தி
           காசுக்கு மக்களைத் துரத்தி
கர்ப்பிணிப் பெண்ணின் கொலையே
           காவல்துறை வெற்றி யாகும்
கோடிக் கணக்கிலே கொடுத்து
           வாங்க முடியாது தவித்து
கோவண மனிதன் அடித்து
           ஆயிரம் வசூல் வங்கிவெற்றி

சுகப் பிரசவம் தடுத்து
           பெண்ணின் வயிற்றைக் கிழித்து
பத்து நாளுக்கு வாடகை
           போட்டது மருத்துவ வெற்றி
கொலை செய்த எலிகள்
           வெளியே தாவத் துளைகள்
தேதி தள்ளி வைத்து
           செத்தபின் தூக்கு சட்டவெற்றி

- சரவணபெருமாள்