தமிழே துணை

தமிழே துணை

மனமேற்கும் பெருமையோ மனிதப் பிறப்பு
தானமாய் கிடைத்த தமிழ்ப் பிறப்பே
திமிர் தருதே தமிழ் வரத்தினும்
தமிழ்ப் புனைவே  தவம்

கொடுத்தாயே ஆக்கல் கொடையாய் தமிழே
கடுகளவு கவியை கவிக்க விழைந்தோம்
பண்பாடி பாராட்டும் பரிசும் விழையோம்
எண்ணிக்கை ஆகட்டும் எமது

தனிமொழியே வயதுகூட தளரல் இலையே
கனிமொழியே இனித்தாய் கசந்த காயிலையே
தனியோசை ஊர்தோறும் தனிப்பேச்சு பிறசேர்ந்தும்
தனிநிலை தவறா தமிழ்

கிராமப் பாட்டும் கிலுகிலுக்கும் ஆங்கே
வராத துள்ளல் வருந்தமிழ் கிராமம்
காதலில் குறையுமோ கவி புரட்சியும்
தாதலில் நிறைவே தமிழ்

படித்தவுடன் ஒன்று பகிர்வாய் உள்ளேறி
பிடிக்க ஒருபொருள் பிய்ப்பாய் நேராய்
படிக்க ஒன்று பகரொன்று நேர்மாற
நடித்தாய் வித்தைகள் நல்க

இரட்டையாய் கூடி இரட்டைக் கிளவி
வரபிரி பொருளில வருந்தொடர் அடுக்கென
பிரித்தால் பொருளுள பிறப்பே சிறப்பு
உரித்தே வித்தையோடு உளாய்

சங்கம் தந்து சந்தம் தந்து
அங்கம் சிலிர்த்த அரங்கேற்றம் கவிந்து
தங்கத் தாமரை தடாகம் கொண்டோன்
அங்கும் ஆட்டம் அவன்

சொல்லவே தீராது சொச்சம் இருக்கும்
வல்லதே தமிழ் வனப்பசுமை வானுயரம்
பெருமிதம் கொண்டது பெருமிதம் கொண்டேன்
அருந்தமிழ் நாட்டில் அரும்பு

எனக்காய் சிலகவி எடுத்தே போட்டாள்
எனதே எனச்சொல எனக்கே கூச்சம்
கொடுத்தவள் கொடுக்க கொண்டு வந்தேன்
விடுக்க அரங்கும் விட்டாள்

தந்தவள் அவளே தட்டல்கள் எனக்கோ
ஈந்தவள் இழுத்தே ஈயடா உனதாய்
உரைத்தெனை கூடுபாய்ந்து உந்த நிற்கிறேன்
கரையிடு கூச்சம் கவிக்க

தமிழே துணைகொண்டு தரவந்தேன் அரங்கமே
எமிலே தவறேதும் எட்டுமோ பொறுப்பீர்
போட்டியுமில என்னைப் போன்றொரிடம் தமிழ்கற்க
சாட்டி அனுப்பினளோ சாக்காய்

கவிஞோரே வாழ்த்துக்கள் கவியுங்கள் சிறப்பாய்
செவிக்கனி விருந்தாய் செந்தமிழ் வாழ்த்தி
எழுதிட கைகோர்ப்போம் எங்கும் தமிழே
விழுதுகள் போடுக விழுந்து

- சரவணபெருமாள்