தாவணிக்காலக் கனவுகள்

தாவணிக்காலக் கனவுகள்

வெட்கத்த பூட்டத்தான் வழியேதும் இருக்கா?
வந்து சொல்லடி சிநேகியே
அந்தக்காலக் கதை சொல்லி அறுக்குற
கெழவியக் கூட்டிட்டுப் போ வெளியே

ஓலை அனுப்புன அடுத்த வண்டியில
மாமன் வந்துட்டான் குச்சுக்கட்ட - என்
மாமன் வயசுக்கு வந்ததேதி கேளு
நான் போறேன் அவனுக்கு குச்சுக்கட்ட

மூஞ்சிய மூடுன தாவணிக் குள்ளேயும்
நூலிடுக்குல குட்டிச்சன்னல் - அந்த
சன்னல என்கண்ணு தாவிக்குதிக்குது - அது
மாமன்மேல நான் வச்சகாதல்

தாவணி மிச்சமா விட்ட இடுப்புல
சந்தைக்கு வந்த மாமங்கையி
கண்ணுல கையில காமம் ஏதுமில்ல
அதனால தப்பிச்சான் பொடிப்பையன்

தாவணி எப்பத்தான் சேலையா மாறும்
காத்துக் கெடக்கேன் என்மாமனுக்கு
தாலியக் கட்டுன அப்புறம் நான்புருசன்
பொஞ்சாதி எனக்கு மாமங்காரன்

- சரவணபெருமாள்