அரசியல் தலைவருக்கு சமூகத்தொண்டன் எழுதும் மடல்

அரசியல் தலைவருக்கு சமூகத்தொண்டன் எழுதும் மடல்

வெண்மேகம் விழுந்ததுவோ வெள்ளாடைக் கூட்டம்
வெண்பனிதான் தெருவருதோ குளிர்விக்கும் பேச்சும்
பண்ணோடும் காற்றினிலே கட்சிக்கொடி ஆட்டம்
பண்பாடும் பிறழ்ந்ததுவோ இளங்காலில் கையும்

தெருத்தெருவாய் சுற்றிவந்து மயக்கினாயே தலைவனே
கருப்பொருளாய் விவசாயம் பேசினாயே விழுந்தனே
வாக்குதந்து வாக்குகேட்டு வழிந்தாயே இழிந்தனே
நாக்குநம்பி காதலாகி வாக்களித்து வந்தனே

வெற்றிச்செய்தி வெளிவரவே வெளிவரவில்லை நீயுமே
வெற்றுவாக்கை நம்பிநம்பி நடுத்தெருவில் நின்றனே
நதியெல்லாம் இணைத்திடுவேன் இறுமாப்பாய் சொன்னயே
நதியின்றி நாதியின்றி விவசாயம் செத்ததே

தமிழ்ப்பெருமை பீற்றியே வாக்குகேட்டு வந்தயே
வங்கியெல்லாம் தமிழழிக்கும் சாதனை புரிந்தயே
ஈழமது மீட்டிடவே வாக்களிப்பீர் என்றயே
ஈகையனாய் ஆயுதங்கள் ஈழமழிக்க தந்தயே

பேருந்தின்று ஆனதே பணக்கார ஊர்தியே 
ஓகியது போகியென மீனவக்குடி எரித்ததே
வேலையில்லை சாலையில்லை சோறுமில்லை நீருமில்லை
இருப்பதெல்லாம் இல்லாமையே பழிதீர்க்க வரும்தேர்தலே

- சரவணபெருமாள்