எங்கும் தமிழென முழங்குவோம்

எங்கும் தமிழென முழங்குவோம்

ஆதியிலே முளைத்த மொழி
ஆதியாய் முளைத்த மொழி
ஆங்கிலத்தில் மோகம் வர
பாங்கினிலே மாறுவாயோ

கால்கடுக்க நின்றிருந்து
காவுவாங்கும் முயற்சியடா
ஆங்கில வழிக்கல்வி
குரல் இனிதே குழந்தையடா
மம்மி எனில் கசக்குதடா
ஆங்கில வழிக்கல்வியடா

எந்தமொழி எந்தவழி
எந்நாட்டில் வந்தாலும்
எங்கும் தமிழென முழங்குவோம்

வெள்ளம் வர கரையாத்தமிழ் - நில
நடுக்கம் வர புதையாத்தமிழ்
தீப்பிடித்தும் எரியாத்தமிழ்
காற்றடித்தும் பறவாத்தமிழ்

இன்று - நீ
வங்கியிலே அழித்தாலும்
இந்தியையே திணித்தாலும்
வீழ்ந்திடுமோ எம்தமிழ்

ஊமைவாயில் அம்மாவை அழிப்பாயோ
ஆடுமாட்டில் அம்மாச்சத்தம் அறுப்பாயோ

அழிக்கும் இடமெல்லாம்
பொறிப்போமே பொன்தமிழை
கடலே மறித்தாலும்
தாண்டித்தமிழ் வளர்ப்போமே

எங்கும் தமிழ் வளர்ப்போமே
எங்கும் தமிழென முழங்குவோமே

( நான்காம் கவியரங்கம்)

- சரவணபெருமாள்