இப்படிக்கு நீதி தேவதை

இப்படிக்கு நீதி தேவதை

நானே நீதி தேவதை
நீதி வழங்க முடியா தேவதை
ஐம்பதில் பிறந்தை
அறுபத்தேழு வயதை
அதிகார மமதை
ஆட்டுகிறது எமதை

என்ன செய்திட முடியும்
எழுதப்பட்ட சட்டம்
ஏழையின் தவறிலே
கடமையை காப்பாற்றுகிறது
எஜமானன் தவறிலே
கைகட்டி கவிழ்கிறது

என் கண்களை
கட்டியது நியாயமா
தராசு முள்
சாயுந்திசை தெரிந்தில
பசிக்கு பன் திருடியனா
ருசிக்கு பணம் திருடியனா
ஆய்ந்திட விழியில

திருட்டுப்பிள்ளாய்
உனக்கோர் நற்செய்தி
வாய்ப்புக்கான ஜாமீன்
ஏய்ப்புக்காகிப்போனது
ஐம்பது திருடினால்
நீதி நிலைநாட்டப்படும்
கோடிகள் திருடினால்
ஜாமீன் வழங்கப்படும்
நீயே முடிவெடு
எதைத்திருடலாம் என்று

அதிபுத்திசாலிகள்
சட்ட நுணுக்கம் தெரிந்த
கொலையாளிகள்
தானே செய்தால் கொலைக்களம்
நாலோர் செய்தால் கலவரம்
தண்டனை நினைந்த பயமில
ஜாமீன் உள்ள தைரியமே

சட்டப்படி தவறிழை
தவறில்லையடா
அதிவேகம் ஆபத்துதான்
குடித்தால் விபத்துதான்
சில விபத்து கொலைதான்
நடந்தால் என்ன
உயிரிழந்தால் என்ன
பெரிதாய் பயமில்லை
அபராதம் போதுமடா

யாரம்மா நீ
விபத்து மரணமா
மகன் மாண்டானா
மன்னியுமம்மா
சற்றே சட்டச்சிக்கல்
இருபது ஆனால் என்ன
அறுபது ஆனால் என்ன
இழப்பீடு உண்டு
இறவாமல் நீ இருந்தால்

நீ யார்
விவசாயி போராட்டமா
சட்டப்படி அனுமதி வாங்காய்
சிறையடி வெகுமதி கொள்வாய்
தவறை தட்டிக்கேளாதே
சட்டம் கடமையைச்செய்து முடிக்கும்

முடியாட்சி ஒழித்து
குடியாட்சி பிறந்ததடா
மக்கள் பிரதிநிதி
மக்களாட்சி ஆனதடா
மாற்றமே மாறாதது
மானுடத்திற்கே உரித்தானது
மன்னராட்சி போலாகி
தன்னாட்சி நடக்குதடா
தன்முடிவே குடிமுடிவென
தன்னாட்சி நடக்குதடா

படிப்பொரு முதன்மை கொண்டு
எப்பணிக்கும் தகுதி உண்டு
அக்காலத்து முடிவு கொண்டு
இக்காலத்தும் அரசியல் விலக்குண்டு
படிப்பறிவு இருண்டு
அனுபவத்தும் சுருண்டு
வாக்குண்டு பதவிகண்டு
வாக்களிப்பில் தவறுண்டு
ஜனாதிபதி தேர்தலில்
செல்லாத ஓட்டுகள்

கண்மூடிய போதும்
கடமை தூங்கிரா
காக்கிச்சட்டையும் உண்டு
விதிமீறா போதும்
வழிமறிக்கும் 
வசூல்காக்கியும் உண்டு
ஆங்காங்கே உண்டு
ஒன்றிரண்டு இதுபோல
ஒரு சோற்றுப்பருக்கை
ஒரு பானைச்சோறையும்
குறைகொண்டது

சாதி இல்லை என
விளம்பரமும் செய்வார்
சாதி ஒதுக்கீடு கேட்டு 
விழித்தெழவும் செய்வார்
இரண்டும் 
சட்டப்படி சரிதான்
எதில் நான் துணை நிற்க
சந்தேகம் அதில்தான்

தவறிழைத்து தடம்பிரண்டார்க்கு
பணிநீக்கம் சரியா
இடமாற்றம் சரியா
இடமாற்றம் தண்டனையா
இடமாறிச்செல்லும் தவறா

எழுதப்பட்ட சட்டப்புத்தகம்
ஏறத்தாழ காலாவதி
ஐம்பதிற்கு சரிதான்
அறுபது முடிந்து தேவையா
மாற்றம் வேண்டாமா
மாற்றிட வேண்டாமா

கண்கட்டு போதும்
அவிழ்த்திடுங்கள்
காந்தாரி அல்ல
கண்கட்டி வாழ
நிஜம் எது
பொய் எது
நான் பார்க்க வேண்டும்
நீதி எது
அநீதி எது
தீர்ப்புரைக்க வேண்டும்

இப்படிக்கு
நீதி தேவதை

                                                       - Written by,

                                                          சரவணபெருமாள்