தானமும் என் சுயநலமே

தானமும் என் சுயநலமே

அன்பால்
கோடிபேரது உள்ளங்களில்
உட்கார்ந்திடக்கூட ஆசையில்லை

யாரென்றே தெரியாதவரில்
உயிருக்கு உதிரமாய் வாழ
இரத்ததானமிட ஆசை

கண்கட்டியே கண்ணாமூச்சி
கட்டாமலே காலம்கடப்பார்
கட்டவிழ்ந்து காட்சிபெற
கண்தானமிட ஆசை

செத்தால் சிதைந்துபோகும்
கொடுத்தால் ஈருயிர் மீளும்
சிறுநீரக தானமும் ஆசை

தொட்டுவிட்டது மரணம் என்றால்
துரத்தப்படும் ஒருவர்
நெஞ்சுக்குள் துடித்திடும்
இதயமாக ஆசை

கொடைவள்ளலாக ஆசையில்லை
உயிர்போனபின்னும்
உடல்உறுப்பு வாழட்டுமே
வாழ்கவே 
என் சுயநலமே 


                             - Written By
                                சரவணபெருமாள்