பாடல் ராகம்:
படம் : நேற்று இன்று நாளை
பாடல் : தம்பி நான் படித்தேன் காஞ்சியிலே நேற்று
ஊழலையே ஒழிப்போமென
படம் : நேற்று இன்று நாளை
பாடல் : தம்பி நான் படித்தேன் காஞ்சியிலே நேற்று
ஐயா விடுதலையான நாடுமட்டும் இங்கே – நாட்டு
மக்களுடைய விடுதலைதான்
எங்கே – நாடு
அரசியல்வாதி கைகளிலே
போச்சே – ஏழை
எம்வாழ்வு நடுத்தெருவாய்
ஆச்சே (ஐயா)
பாலம்கட்ட பணப்பெட்டிகள்
ஒதுக்கிய துண்டு
– பாலம்
கட்டும்போதே பாதிநிலையில்
விழுந்ததும் உண்டு (பாலம்)
மக்களுக்கே பாலமென்று
கட்டியே முடிப்பார்
– தம்
கட்சித்தலைவர்
திறக்கும்வரை
மூடியே வைப்பார் (தம்) (ஐயா)
கூட்டணியில் இருக்கும்போது
அமைதியாய் இருந்தார்
– கூட்டு
முறிந்தபின்னே
வாய்ச்சொல்லில்
வாளையும் எடுத்தார் (கூட்டணியில்)
இலங்கைத்தமிழர்
இறக்கும்போது
பதவியைக் காத்தார்
– ஈழம்
புதைந்தபின்னே
நீதிதோண்ட
வழக்கையும் தொடுத்தார் (ஈழம்) (ஐயா)
வாக்களித்து தேர்ந்தெடுத்த
தொகுதியில் பஞ்சம் - அவர்
நாள்தோறும் நட்சத்திர
விடுதியில் தஞ்சம் (வாக்களித்து)
மக்களுடைய பிரச்சனைகளை
காற்றினில் விட்டார் - தம்
கட்சியுடைய பிரச்சனையை
கவனத்தில் எடுத்தார் (தம்) (ஐயா)
அரசுவேலை நாளிதழில்
விளம்பரம் கொடுத்தார் - அங்கே
சென்றுபார்த்தால் மேசைக்கடியில்
கைகளை விரித்தார் (அரசு)
தகுதிக்குத்தான் வேலையென்று
இருந்த நாட்டிலே - பணம்
ஒன்றுமட்டும் தகுதியாகி
எழுதும் ஏட்டிலே (பணம்) (ஐயா)
உரிமமெங்கே காப்பீடெங்கே
காண்பிக்கச் சொல்வார் - காட்ட
அதிவேகத்தில் வந்தாயென
காரணம் சொல்வார் (உரிமமெங்கே)
வழிமறித்து வழிப்பறிக்கும்
திருடனும் ஒன்று - அட
நெடுஞ்சாலை வரிவாங்கும்
கொள்கையும் ஒன்று (அட) (ஐயா)
தனியாருடைய பேருந்தைவிட
கட்டணம் அதிகம் - அங்கே
எலிவளைகள் குடைந்ததுபோல்
ஓட்டைகள் அதிகம் (தனியாருடைய)
அதிகாரியின் கைகளிலே
நோட்டுக்கள் அதிகம் - அதனால்
தனியார்பள்ளி பேருந்திலே
விபத்துக்கள் அதிகம் (அதனால்) (ஐயா)
மதுக்கடையை திறப்பதற்கு
வரிந்து கொண்டாரே - நம்
கல்வித்தரம் மேம்படுத்த
மறந்து விட்டாரே (மதுக்கடையை)
கட்டணமில்லா கல்வியென
முழங்கிக் கொண்டாரே - அங்கே
கட்டுக்கட்டாய் வாங்குவோரை
வளர்த்தும் விட்டாரே (அங்கே) (ஐயா)
ஓட்டுக்கேட்டு வந்தபோது
கால்களில் விழுந்தார் - எங்கள்
உரிமைக்காகப் போராடினால்
அடித்திட வைத்தார் (ஓட்டு)
வெயிலில்காய்ந்து மழையில்நனைந்து
போட்ட சோற்றையே - அவர்
தின்றும்விட்டு ஏப்பம்விட்டு
மறந்தார் நன்றியே (அவர்) (ஐயா)
தமிழகத்தின் நெற்களஞ்சியம்
எங்கள் தஞ்சையே - அதை
பாலைவன மாக்கும்திட்டம்
சிலரின் சூழ்ச்சியே (தமிழகத்தின்)
விவசாயி அழித்துவிட்டு
விவசாயம் இழப்பாய் - ஒருநாள்
சோற்றுக்காக நடுத்தெருவில்
பிச்சையும் எடுப்பாய் (ஒருநாள்) (ஐயா)
நோய்நொடிக்கு மருந்துதரும்
வழக்கங்கள் அன்று - நோய்கள்
வரவழைத்து மருந்துதரும்
பழக்கங்கள் இன்று (நோய்நொடிக்கு)
தெருக்களிலே குப்பைகொட்ட
கூடாது என்பார் - தாமே
கொட்டிவிட்டு கூட்டிவிட்டு
விளம்பரம் தருவார் (தாமே) (ஐயா)
ஊழலையே ஒழிப்போமென
முழங்கிய துண்டு - தன்னைச்
சார்ந்தோருடைய ஊழலெல்லாம்
விடுபட்ட துண்டு (ஊழலையே)
எதிர்ப்பவரை அடித்திடவே
ஆயுதம் உண்டு - தமதை
எதிர்த்தாலும் மறுத்தாலும்
சோதனை உண்டு (தமதை) (ஐயா)
கஷ்டப்பட்டு உழைத்தெடுத்த
எங்கள் பணத்தையே - எந்த
உழைப்புமின்றி வரியாக்கி
வழிப் பறித்தையே (கஷ்டப்பட்டு)
கைபேசி பேச்சுக்கட்டணம்
குறைந்து போனதே - நாங்கள்
உண்ணுகின்ற காய்கறிவிலை
உயர்ந்து போனதே (நாங்கள்) (ஐயா)
நீட்விலக்கு வாங்கித்தர
முயற்சிப்போம் என்றார் - தம்
கட்சித்தலைமை கால்பணிந்து
பல்டியும் அடித்தார் (நீட்)
மருத்துவராய் சொல்கிறேனென
மேடையில் முழக்கம் - தம்
மருத்துவத்தை மறந்துவிட்டு
கட்சிக்குள் இணக்கம் (தம்) (ஐயா)
சுதந்திரதின வாழ்த்துக்களை
அறிக்கையில் விடுவார் - மக்கள்
சுதந்திரத்தை பறிக்கும்திட்டம்
அடிக்கடி தருவார் (சுதந்திர)
ஏய்ப்பவரின் மகுடியிலே
மயங்கிட வேண்டாம் - இங்கே
என்னென்ன நடக்கிறது
மறந்திட வேண்டாம் (இங்கே) (ஐயா)
- Written By
சரவணபெருமாள்
